كشفت الفنانة لوسي أثناء لقائها في برنامج "المشهد" عن علاقتها بربنا والتزامها بالصلاة قائلة: هي دي حاجة تخصني بس الحمد لله رب العالمين أنا بصلي وده فضل ونعمة من ربنا، أنا كنت بصلي في رمضان بس وبعدين قولتله يا رب أنا عايزة ألتزم وأبقى أصلي الفجر حاضر.
وأضافت لوسي: فلو قولتلك اللي حصلي هتتخض، كنت قاعدة والظهر أذن فحسيت بحد بيشدني ودخلني أتوضى وصليت وكنت مبسوطة جدا وبعدين صليت العصر والمغرب والعشاء بس مبصليش الفجر حاضر عشان بنام بدري، فـ والله العظيم بصيت لربنا وقولتله يا رب أنا بصلي الفجر في رمضان حاضر، ونفسي أصليه حاضر في الأيام العادية.
واستكملت: فكنا في يوم شتاء شديد والمؤذن بتاع المسجد ساعات بتروح عليه نومه وساعات الصوت مبيوصلنيش لكن في اليوم ده حسيت أنه الآذان بيأذن في أوضتي، وأنا نايمة ابتسمت وحسيت ببنوتة صغننة كدا بتقولي انتي مش عايزة تصلي الفجر؟ قومي صلي، فصحيت وصليت ورجعت نمت بسهولة عادي مع اني لو صحيت مبعرفش أنام تاني بس نمت في ثانية، ومن ساعتها وأنا ملتزمة في الصلاة، وربنا لما يحبك بيحبب فيك خلقه.
أبرز أعمال لوسي
شاركت لوسي في العديد من الأعمال أبرزهم:
- مسلسل ليالي الحلمية
- سلطان الغرام
- ليه يا بنفسج
- فوازير أيما وسيما
- زيزينيا
- سارق الفرح
- ارابيسك.
